Total Pageviews

Friday, April 8, 2011

ഓര്‍മകളിലെ മഴ



ഓര്‍മകളില്‍ നിന്ന് ചിലപ്പോഴൊക്കെ
മഴ ഇറങ്ങിവരാറുണ്ട്
നൊംബരങ്ങളുടെ കുടപിടിച്ചും
ചിപ്പോള്‍ കറുത്ത ഓര്‍മകളുടെ
അരികു പറ്റീയും
വീണുറടഞ്ഞ കിനാക്കളുടെ
നിഴലില്‍ മറഞ്ഞും
മഴ ഒളിച്ചുകടക്കാറുണ്ട്
നനഞ്ഞ പുസ്തകത്തില്‍ നിന്ന്
ഒലിച്ചിറങ്ങിയ അക്ഷരങ്ങളില്‍
അവളുടെ കണ്ണീരുണ്ടായിരുന്നു.
തറവാട്ടിലെ ഇലഞ്ഞച്ചോട്ടില്‍
ഒന്നിച്ചു നനഞ്ഞ മഴക്ക്
വേര്‍പാടിന്റെ ചൂടുണ്ടായിരുന്നു.
ഇടവപ്പാതിയില്‍ പെയ്യാനറച്ച
മഴ മേഘങ്ങള്‍ക്ക്
അവളുടെ നാണമുണ്ടായിരുന്നു.
ഇടവഴിയിലതോലത്തുംബില്‍ നിന്ന്
മഴ കൊഞ്ഞനം കുത്താറുണ്ടായിരുന്നു.
പുഴ കടക്കാന്‍ അവളില്ലാതതപ്പോഴൊക്കെ
മഴ കൂട്ടിനു വരാറുണ്ടായിരുന്നു.
ക്യാംപസിലെ കുന്നിറക്കങ്ങളില്‍ഒ
റ്റക്കുടക്കു മേല്‍ പെയ്ത മഴ
ഒളിഞ്ഞു നോക്കാറുണ്ടായിരുന്നു.
വൈകിയെത്തുംബോള്‍
അമ്മയുടെ വഴക്കിനൊപ്പം മഴ
മഴകലപില കൂട്ടാറുണ്ടയിരുന്നു.
ഉറക്കം വരാത്ത രാത്രികളില്‍
ജാലകപ്പുറത്തു നിന്ന്
മഴതാരാട്ട് പാടാറുണ്ടായിരുന്നു.

ഓര്‍മകളില്‍ നിന്ന് ചിലപ്പോഴൊക്കെ
മഴ ഇറങ്ങി വരാറുണ്ട്
ചിരിച്ചും കളിച്ചും
ഇടക്ക് പിണങ്ങിയും
ഓര്‍മയായിത്തീര്‍ന്ന
പ്രിയ സഖിയെപ്പോലെ..

No comments:

Post a Comment