മാപ്പ്

മാപ്പിരക്കുന്നു ഞാന്‍ സഖീ

മൌനമായ് നിന്‍ പ്രണയത്തിന്റെ 

പങ്കു പറ്റിയതിന്,

നിന്റെ ഹൃദയ തന്ത്രിയിലെന്‍ 

വിരലുകള്‍ മീട്ടിയതിന്,

എന്റെ കിനാക്കളിലേക്ക് നിന്നെ

വിരുന്നു വിളിച്ചതിന്,

നിന്റെ സ്നേഹത്തിന്റെ

പൂക്കള്‍ പറിച്ചതിന്,

നിന്റെ മോഹങ്ങളില്‍ നിന്ന്

തട്ടിയുണര്‍ത്തിയതിന്,

നിന്റെയോര്‍മകളില്‍ നിന്ന്‍

കടമെടുത്തതിന്,

നിന്റെ ചിന്തകള്‍ക്ക് 

തീ പിടിപ്പിച്ചതിന്,

നിന്റെ വഴികളില്‍ 

വിലങ്ങായി നിന്നതിന്,

നിന്റെ നിദ്രകളിലേക്ക് 

സ്വപ്നമായി വന്നതിന്,

നിന്റെ ഹൃദയത്തിലൊരു 

കൂട് വച്ചതിന്,

ഹൃദയ ഭിത്തിയില്‍ നിന്റെയൊരു 

ചിത്രം വരച്ചതിന്,

പിന്നെ...

എനിക്ക് വേണ്ടി 

നീ പാഴാക്കിക്കളഞ്ഞ 

രക്തത്തിന്റെ നിറമുള്ള 

കണ്ണുനീര്‍ത്തു ള്ളികള്‍ക്ക്.