പോകട്ടെ ഞാന്‍

ഇനി നിനക്കുറങ്ങാമിവിടെപ്പിരിയുന്നു, 

രണ്ടായ് വഴികളും ജീവിതവും 

നിഴലുപോലെ പ്രണയം നിന്റെ പിറകില്‍ 

നടന്നു തീര്‍ത്ത വഴികളൊക്കെയും 

എരിയുമിനിയെന്റെ കരള്‍ക്കനലുകളഗ്നി-

ഗോളങ്ങളായുതിരുന്ന മിഴിനീര്‍ക്കണങ്ങളാല്‍

മണ്ണിലിരുളില്‍ വിളക്കായ് കൊളുത്തീടാം 

കത്തുന്ന ഹൃദയവും തകര്‍ന്ന കിനാക്കളും 

ഇവിടെ യൊറ്റക്കല്ല നീയൊരിക്കലും 

ഓമനേയൊറ്റപ്പെടുന്നത് ഞാനാണീപ്പകലു-

പോലുമിരു ളാര്‍ന്ന ജീവിതപ്പാതയില്‍.

പോകട്ടെ ഞാന്‍, നിന്റെയോര്‍മ തന്‍ നിലാവില്‍,

നൊമ്പര ഭാരം പേറിയിടറി  വീഴും വരെ....