Total Pageviews

Friday, April 1, 2011

മഴയും പുഴയും

പുഴ ഒരോര്‍മയാണ്
മറവിയുടെ മുളങ്കാടുകളില്‍ നിന്ന് 
കാലത്തിന്റെ 
ഉരുളന്‍ കല്ലുകളില്‍തട്ടിയും
വേര്‍പാടിന്റെ 
കയങ്ങളില്‍ വീണും
വേദനയുടെ കടവുകളില്‍ 
പിന്നെയും കണ്ടു മുട്ടിയും
മുകളിലേക്കൊഴുകുന്ന 
കണ്ണീരോര്മകള്‍....

മഴ ഓരോര്മപ്പെടുതലാണ് 
കുട്ടിക്കാലത്തിന്റെ ഇല്ലായ്മയില്‍ നിന്ന്
വിശപ്പിന്റെ കനലടുപ്പുകളില്‍ വീണും
മോഹങ്ങളുടെ 
ചിറകുകള്‍ നനച്ചും 
പ്രതീക്ഷകളുടെ 
വിളക്കുകള്‍ കെടുത്തിയും
മരിച്ചു പോയ കാലത്തിന്റെ
ഓര്‍മപ്പെടുത്തലുകള്‍ ...


മഴയില്‍ നിന്ന് പുഴ  പിറക്കുന്നു
പുഴയില്‍ നിന്ന് മഴ പിറക്കുന്നു
മഴയും പുഴയും ചേര്‍ന്ന്‍ ഓര്‍മകളും ...!!


No comments:

Post a Comment