ഡ്യൂട്ടിക്കും ഓവര്‍ടൈമിനുമിടയിലെ
അരമണിക്കൂറില്‍
കടല് കടന്നെത്താറുണ്ട്
ഓര്‍മ്മകള്‍ പലവിധം
തേങ്ങാചമ്മന്തിയുടെ സ്വാദിനൊപ്പം
ഭാര്യയുടെ കണ്ണീരുണ്ടാവും
പഞ്ചാര മിഠായിയുടെ മധുരത്തിനൊപ്പം
കുഞ്ഞു മോന്റെ കരച്ചില്‍
മുളകിട്ട മീന്‍ കറിക്കൊപ്പം
പുതുമഴയുടെ കുളിര്
കുയില്‍ പാട്ടിനൊപ്പം
മീന്‍കാരന്റെ കൂവല്‍
തോണിയുടെ താളത്തിനൊപ്പം
തീവണ്ടിയുടെ ആരവം
മണല്‍ക്കാട് മുഴുവന്‍ തിരഞ്ഞിട്ടും
പ്രവാസത്തിന്റെ തേങ്ങലുകളല്ലാതെ
ഉമ്മൂമ്മയുടെ അറബിക്കഥയിലെ
രാജകുമാരന്റെ കുതിരക്കുളംബടി കേട്ടില്ല.
No comments:
Post a Comment