മഴപ്പകര്‍ച്ചകള്‍

കുടയില്ലാതിരുന്ന കാലത്ത് 

പുലര്‍ച്ചെ കുളിച്ച് 

വഴിനീളെ നനഞ്ഞ് 

ചെളിവെള്ളം തെറിപ്പിച്ച് 

കീറിയ പുസ്തകത്തിലൂടെ  ഒലിച്ചിറങ്ങി 

ഓലമേഞ്ഞ മേല്‍പ്പുരയിലൂടെ 

ചോര്‍ന്നിറങ്ങി 

ജൂണ്‍  ഒന്നിനുതന്നെ 

ഒന്നാമത്തെ ബഞ്ചി ലിരിപ്പുണ്ടാവും ,

ചിണുങ്ങിക്കൊണ്ട്, മഴ !!

വര്‍ണക്കുടകളുണ്ടായതില്‍പ്പിന്നെ 

ഉപഗ്രഹക്കണ്ണി ലുടക്കി 

ചാനല്‍ പ്രവചനങ്ങ ളില്‍ത്തട്ടി 

ന്യൂന മര്ദങ്ങളില്‍ പ്പെട്ടുലഞ്ഞു 

കൊടുങ്കാട്ടിനെക്കൂട്ടുപിടിച്ച് 

ഇടിയും മിന്നുമായി കൊട്ടിയറിയിച്ച് 

പിന്‍വാതിലിലൂടെ ഒളിഞ്ഞുനോക്കിയും 

കയറിവരാന്‍ മടിച്ചും 

എന്നും നേരം തെറ്റിയെത്തും 

കലിതുള്ളി ക്കൊണ്ട്, മഴ !!