കണ്ണാടി

മുഖം ചുളിഞ്ഞ്
കവിളു കുഴിഞ്ഞ്
കാഴ്ച മങ്ങി
തലയാകെ നരച്ച്
തിരിച്ചറിയാനാവാത്ത വിധം
വാര്‍ധക്യം ബാധിച്ചിരിക്കുന്നു
കണ്ണാടിക്ക്!!

പ്രവാസം

കട്ടിലിനടിയില്‍ പൊടിപിടിച്ചിരിപ്പുണ്ട്
മൂടുപോയൊരു പെട്ടി;
സ്വപ്‌നങ്ങള്‍ കുത്തിനിറച്ച്
പ്രതീക്ഷകള്‍ കൊണ്ട് വരിഞ്ഞുകെട്ടി
ഇരുപത് വര്ഷപങ്ങള്ക്ക്  മുന്പ്്
വിമാനം കയറിപ്പോന്നത്...

അലമാരയ്ക്കുള്ളില്‍ അട്ടിവച്ചിട്ടുണ്ട്
ഒരുകെട്ട്‌ കത്തുകള്‍,
ഉപ്പയുടെ മരണവും, പെങ്ങളുടെ കല്യാണവും
ഭാര്യയുടെ പ്രസവവുമൊക്കെ അടയാളപ്പെടുത്തി
കണ്ണീരു കൊണ്ടൊട്ടിച്ചു
കടലുകടന്നു വന്നത്....